Да мяне прытулілася Слова

Мерапрыемства да Дня роднай мовы!

Запрашаем усіх на незабыўнае свята, прысвечанае нашай роднай мове! У праграме:
Частка 1: «Да мяне прытулілася Слова»
Пагрузіцеся ў свет творчасці Вольгі Русілкі — кандыдата філалагічных навук, дацэнта, члена Саюза пісьменнікаў Беларусі, літаратуразнаўцы і паэткі, лаўрэата літаратурных прэмій імя Уладзіміра Караткевіча і Петруся Броўкі. У выкананні артыстаў тэатра “Лялька” прагучаць яе песні, вершы і проза, якія ўразяць вас сваёй глыбінёй і прыгажосцю.
Частка 2: Спектакль “Кацёл з каменьчыкамі”
Спектакль па творы Уладзіміра Караткевіча! Каменнае сэрца не можа спачуваць. У ім няма любові. Прыслухайся да свайго сэрца. Якая "музыка" ў ім гучыць? Што скажа яно, калі ў цябе папросяць сапраўднай дапамогі? Што такое звычайны цуд і як навучыцца быць чараўніком? Гэтая пастаноўка абудзіць у вас любоў да беларускай літаратуры і культуры.