Міжнародны дзень лялечніка 10+

Міжнародны дзень лялечніка запрашае вас у чароўны свет, дзе кожная гісторыя ажывае ў руках майстра. Спецыяльна да свята мы стварылі захапляльную праграму, напоўненую духам тэатра і сумеснай творчасці. Цэнтральнай падзеяй дня стане майстар-клас па лялькаваджэнні — унікальны вопыт, які выкліча шчырую цікавасць у дзяцей і дазволіць дарослым адчуць сябе сустваральнікамі тэатральнага цуда. Вы зможаце сваімі рукамі ажывіць казачных герояў і знайсці ў сабе новыя таленты.

"Жыццё — гэта відавочны цуд!" (Марк Шагал)

Унікальная варыяцыя на тэму жыцця і творчасці найвядомейшага з віцебскіх мастакоў. Сцверджанне права на ўласны ўнікальны шлях, яднанне зямнога з узвышаным, Любоў і Каханне. Упершыню ў гісторыі Беларускага тэатра "Лялька" акцёры працуюць з лялькамі на хадулях. Знакавыя працы мастака ўвасабляюцца праз тэатр ценяў і адмысловую сістэму сімвалаў. Адрасуецца прыхільнікам творчасці Марка Шагала і ўсім жадаючым зірнуць на свет праз павелічальнае шкло Мастацтва.