Фестываль аDNаK! — ген беларускага крэатыву. Абудзім яго разам!

 

Сёмы фестываль беларускамоўнай рэкламы і камунікацыі aDNaK! стартаваў  5 мая і ўжо прымае работы праз сайт adnak.by.

 

Сёлета арганізатары заклікаюць усіх неабыякавых стаць яго часткай, непасрэдна спрычыніўшыся да правядзення, а таксама далучыцца да яго “закуліснага” жыцця, зрабіўшы пасільны ўнёсак на краўд-пляцоўцы на сайце ulej.by.

 

 

Фестываль ужо зрабіўся грамадскай з’явай — хай жа ў гэтым годзе ён адбудзецца з вашым удзелам!

 

За гады свайго існавання Фестываль стаў адметнай з’явай у культурным жыцці Беларусі і той унікальнай прасторай, якая яднае творчых людзей розных прафесій на глебе нацыянальных каштоўнасцяў.

 

Усе грашовыя сродкі будуць цалкам выдаткаваны на арганізацыйныя патрэбы сёлетняга фестывальнага дня, а менавіта на адукацыйную праграму і цырымонію ўганаравання найлепшых стваральнікаў беларускамоўнай і беларускаарыентаванай рэкламы і камунікацыі:

 

Для ўсіх аматараў і спонсараў беларускамоўнай і беларускаарыентаванай рэкламы Аргкамітэт падрыхтаваў спецыяльныя сувеніры і падарункі.

 

Наш Фестываль — гэта насычаная адукацыйная праграма, гэта новыя веды і стандарты! І ён — не толькі цырымонія ўзнагароджання, віншаванні ад калег і шумная “тусоўка” ў коле самых таленавітых прадстаўнікоў творчых прафесій, гэта шчыльная супраца вядомых дызайнераў і крэатыўных студыяў, прадстаўнікоў бізнесу і творчых людзей, якія ў вясёлых, а часам і гарачых спрэчках супольна вызначаюць найлепшыя прыклады беларускай рэкламы. За сем гадоў свайго існавання Фестываль прайшоў шлях ад пілотнага даследчага праекта да сапраўднай з’явы культурнага жыцця краіны. З кожным годам колькасць удзельнікаў і работ расце, а цікавасць да Фестывалю павялічваецца. У многім дзякуючы менавіта яму беларускамоўнай рэкламы ў краіне значна паболела.

 

Важна разумець, што рэклама — гэта неад''емная частка культурнага жыцця сучаснага грамадства. Яна стварае атмасферу, у якой кожны з нас жыве штодня, яна візуалізуе твар нашых гарадоў і мястэчак. І хочацца, каб дзякуючы ў тым ліку і рэкламе мы адчувалі, што жывем на сваёй зямлі.

 

 Сёння беларусы займелі ўнікальны шанец наўпрост спрычыніцца да працэсу пашырэння і развіцця беларускамоўнай і беларускаарыентаванай рэкламы.

 

Зробім фестываль аDNаK! разам!

 

Падчас Фестывалю плануецца, як заўжды, разнастайная адукацыйная праграма з удзелам як беларускіх і замежных рэкламістаў, так і цікавых асобаў з іншых сфераў, якія пашыраюць еўрапейскія падыходы і тэндэнцыі, уплываючы на рэкламу і бізнес-камунікацыю.

 

Падрабязная праграма будзе абвешчаная напрыканцы мая.

 

Дадатковую інфармацыю пра Фестываль можна атрымаць на сайце adnak.by, па тэлефоне +375 29 371-01-21 альбо праз e-mail adnak@budzma.org, а таксама:

 

Да ведама. 55,6% беларусаў “за” беларускую мову ў рэкламе (паводле апытання “Новак” на замову “Будзьма беларусамі!”, 2012 г.), гэтую лічбу пацвердзілі MASMI ў 2014 г. (56%). Паводле MASMI (2014 г.), 60% рэспандэнтаў падтрымліваюць беларускую мову ў афармленні гарадоў і вітрын. Адпаведнае даследаванне кампанія “Будзьма беларусамі!” плануе ў 1-м паўгоддзі 2016 г.

 

Канстанцін Касяк,

прэс-сакратар ГКК "Будзьма беларусамі!"

Смотрите похожие новости:

7 фестываль беларускамоўнай рэкламы і камунікацыі aDNaK! >>>

Годна, крэатыўна – па-нашаму! >>>

Аляксандр Дзешкавец >>>

Куды крочыць рэкламіст? >>>

Трэба так! Новыя конкурсы і намінацыі Пятага фестывалю AD.NAK! >>>