Мікола Паўловіч. Сэнс яго жыцця…

 

Так сапраўды сэнс жыцця Міколы Паўловіча – краязнаўства. Захапленне гэтым пачалося яшчэ ў дзяцінстве. Мікола вучыўся ў школе і пачаў збіраць цікавые рэчы, старые кнігі, манеты, дакументы  і з кожным разам усё больш і больш яго захаплялі пошукі нечага цікавага і старажытнага.

 

      
Напэўна і выбар Мікола зрабіў пасля заканчэння Цырынскай школы невыпадкова,  ён паступіў у Беларускі Дзяржаўны ўніверсітэт на гістарычны факультэт, дзе вывучаў археалогію, нумізматыку, этнаграфію. Яго выкладчыкамі былі знакамітыя: нумізмат Рабцэвіч В.Н., археолаг  Загарульскі Э.М, гісторык Стродс Х. Гэтыя знаёмства ўзмацнілі цікавасць да гістарычных навукаў.

Напярэдадні Дня Незалежнасці Латвійскай Рэспублікі, 13 лістапада адбыўся святочны канцэрт, падрыхтаваны Цэнтрам беларускай культуры і беларускім культурна-асветніцкім таварыствам “Уздым” у Палацы культуры, а ў памяшканні Цэнтра беларускай культуры 16 лістапада прайшла выстава старадаўніх кніг і фотаздымкаў з архіва Міколы Паўловіча.

 

На фотаздымках паказана жыццё настаўнікаў і вучняў беларускіх школаў і Дзвінскай дзяржаўнай беларускай гімназіі ў даваены час. Можна ўбачыць на здымках, як адзначылі Дзень Незалежнасці Латвіі ў тыя далекія часы.

Мікола расказаў, што беларускія школы і гімназіі карысталіся поспехам не толькі сярод беларусаў, а і ў людзей іншых нацыянальнасцей. Даваліся трывалыя веды і не толькі, па заканчэнні гімназіі вучні атрымлівалі спецыяльнасці столяра, слесара, дзяўчат вучылі шыць, ткаць, весці гаспадарку.

Далей быў аповед аб розных кнігах, часопісах, газетах, якія выдаваліся ў розныя часы і ў розных дзяржавах. Аб сваіх знаходках Мікола расказвае цікава і з гумарам. У яго калекцыі самая старая кніга 17 стагоддзя, на лацінскай мове, з экслібрысам бібліятэкіАлозія Зіберга. Кнігі ёсць на розных мовах – беларускай, яўрэйскай, ангельскай, французскай, польскай, латышскай, латгальскай, нямецкай. Краязнавец паказаў Ірмалогій нотнага пенія – зборнік літургічных песнапенняў, пісаны ў нязвыклай для нас манеры – крукамі, сярэдзіна 19 стагоддзя.
 

Слухачам быў прадстаўлен адзін з тамоў знакамітага апісання Расійскай імперыі 19 стагоддзя “Живописная Россия”, прысвечаны паўднёва-заходняй часткі Расійскай дзяржавы. Цікавасць прысутных вызвала шыкоўная кніга для дзяцей школьнага ўзросту “Гісторыя руска-турэцкай вайны 1877-1878гг” (1902 года выдання).

Слухачы звярнулі ўвагу на “зачытанную” кнігу аўтара з Браслаўшчыны Пачопкі “Пчолы і як вадзіць іх у рамавых вуллях” (надрукована ў 20 гадах 20 стагоддзя).

Была прадстаўлена вялікая колькасць кніг на латышскай і латгальскай мовах. Усім спадабаўся школьны геаграфічны атлас, выданы пры пачатку гісторыі Латвійскай дзяржавы. Кажуць, што дзяржава ёсць тады, калі мае свой геаграфічны атлас.

 

На заканчэнні выставы Мікола адказаў на пытанні прысутных. Слухачы доўга не разыходзіліся, з цікавасцю лісталі кнігі, часопісы, газеты, якія сталі нашай гісторыяй.

 

Смотрите похожие новости:

Новые партнеры «GorodVitebsk.by» >>>

Новые грани сотрудничества >>>

Валерий Амбросов: «Необходимо избавляться от чувства второсортности» >>>

Белорусский кирмаш в Даугавпилсе >>>

 

Матэрыял падрыхтавала:

Вольга Паўловіч намеснік старшыні

таварыства “Уздым”