Музыка – усё

З 30-летнім юбілеем "Ляльку" павіншуе кабарэ-бэнд "Серебряная Cвадьба" з праграмай для дзяцей і дарослых "МУЗЫКА – УСЁ!".

Праграма складаецца з песень, цікавых і дзецям, і дарослым. Дакладней, дзецям і дарослым, што прыйшлі на канцэрт разам. Пад гэтыя песні выдатна разам танчыць, скакаць і рагатаць, пускаць мыльныя пухіры, грымець тазікамі і каструлямі... Тым больш, што выконваюцца яны на зусім незвычайных інструментах, створаных з падручных сродкаў – на швабрабасе, трубафоне, шлангафоне і мензуркафоне. А яшчэ не канцэрце прагучаць піла, слоікі, пластыкавыя каністры, бляшаныя вядзерцы, тазікі, бідоны, паветраныя шары, палівачкі, чайнікі, міскі і кубкі, шахматная дошка, каробка з-пад пячэння...
Галоўная ідэя: усё навокал гучыць, і пры жаданні музыку можна пачуць паўсюль!

Да віншаванняў на адрас тэатра з задавальеннем далучацца нашыя даўнія сябры – парк забаў "Джунглі клічуць". Маленькіх і ўжо падгадаваных гледачоў у фае тэатра чакаюць вясёлыя конкурсы і гарэзлівыя эстафеты. Плануецца таксама надзвычай відовішчнае шоў мыльных пухіроў. А жадаючыя змогуць уласнаручна "намаляваць" каляровым пяском і захапіць з сабою яркія малюнкі на памяць пра дзень народзінаў "Лялькі".