Фотавыстава Томаша Тамашэўскага

“Гарантуецца атмасфера добразычлівасці. Падляшша” 
 

Аўтарскі праект вядомага польскага фотамастака Томаша Тамашэўскага. На выставе можна будзе ўбачыць серыю каляровых фатаграфій, прысвечаных побыту, працы і рэлігійна-абрадавым аспектам жыцця насельніцтва Падляшша, сярод якіх, як вядома, значную колькасць складаюць беларусы. Выстава арганізавана ў супрацоўніцтве з Маршалкоўскім Урадам Падляшскага Ваяводства ў Беластоку.
 

Адкрыццё 27 лютага а 16 гадзіне
 

Віцебскі абласны краязнаўчы музей (Ратуша, вул. Леніна, 36)

 

Я пазнаваў гэтую краіну па здымках многіх маіх добрых сяброў закаханых у Падляшскім ваяводстве.
 

Цудоўныя, некранутыя лясы, птушкі і дзікія жывёлы, звілістыя і зарослыя рэкі. Рамантычныя фатаграфіі, зусім іншыя, чым з цэнтральнай альбо паўднёвай Польшчы.
 

Калі я прыехаў сюды зімой на пачатку 2011 года, выявы, якія былі ў памяці, супаставіліся з рэчаіснасцю -  і пацвердзіліся. Я быў зачараваны прыгажосцю пейзажу, але яна мяне не здзівіла. Таму я вырашыў, што на гэтую тэму, многае ўжо было сказана, і можа лепш было б звярнуць увагу на людзей, якія таксама ствараюць пэўнага роду пейзаж.
 

Яны таксама хутка сталі героямі маёй аповесці, і  некаторых з мноства з кім я пазнаёміўся, я прадстаўляю ў гэтай кніжцы.
Людзі Падляшскага (ваяводства). Яны зацікаўленыя і адкрытыя да новага чалавека, талерантныя, і адначасова яны непахісна звязаныя са сваімі рытуаламі, сваёй ідэнтычнасцю.
 

Яны, крыху аддаленыя ад ілюзорнай цывілізацыі, увесь час звяртаюцца да старых добрых традыцый і ўзораў, а для мяне застануцца людзьмі больш чалавечнымі.
 

Дзе б я не з’явіўся, яны, пазітыўныя і з усмешкай на вуснах , заўсёды ствараюць непаўторную атмасферу. Атмасферу  добразычлівасці.

 

Томаш Тамашэўскі