Барадулінкі на Свяце гораду!

 

Літаратурна – музычны фестываль “Барадулінкі” адсвяткуе разам з жыхарамі Віцебска Свята гораду 25-га чэрвеня.

 

Грамадска-культурніцкая кампанія “Будзьма беларусамі!” і Сацыяльна-культурная ўстанова “Віцебск для мяне” запрашаюць на свята, прысвечанае нашаму земляку, народнаму паэту Рыгору Барадуліну. Падзея разбурае традыцыйны фармат літаратурных імпрэз і ўбірае ў сябе самыя разнастайныя накірункі. Сёлета “Барадулінкі”  прадставяць насычаную праграму літаратурных, адукацыйных і музычных актыўнасцей, што адбудуцца на пляцоўцы Арт-Прасторы Талстога,7 – філіяла УК “Музэй” Віцебскага цэнтра сучаснага мастацтва” і натуральна  - вялікі маркет з удзелам лепшых рамеснікаў і майстроў віцебскага рэгіёну.

“ У гэтым годзе “Барадулінкі” зрабілі чарговы крок да сапраўднага гарадскога фестываля” – распавядае адзін з арганізатараў Уладзімір Булаўскі. “Мы запланавалі мерапрыемствы, якія дакладна стануць запамінальнымі ня толькі сталым  аматарам беларускай літаратуры і музыкі, але і выпадковым наведнікам. У адрозненні ад мінулага году,  мы паспрабавалі зрабіць акцэнт на літаратурнай частцы, якая будзе прадстаўлена выступамі Альгерда Бахарэвіча, Юліі Цімафеевай, Міхася Скоблы і інш. Акром таго, мы звярнуліся да беларускіх музыкаў з прапановай выступіць на адкрытай пляцоўцы падчас фэсту, на якую адгукнулася больш за 40 выканаўцаў. Сярод іх мы вызначылі тых, хто можа быць самымі цікавымі для віцебскай аўдыторыі – па выніку наведнікаў чакае вечаровы канцэрт гуртоў Teleport і Kitchen Stuff Only. Натуральна, у планах досыць вялікая колькасць падзей, што дапамогуць пазнаёміцца гараджанам з актуальнай і сучаснай беларускай культурай. А завершыць фэст кінапаказ караткаметражак на тэмы, якія хвалявалі Рыгора Барадуліна болш за ўсё – “Радзіма. Мова. Каханне”.

 

Мерапрыемствы ў рамках фэста будуць працягвацца з 12:00 да самай ночы ў самым сэрцы Віцебску.Выбраць самыя цікавыя падзеі і пазнаёміцца з падрабязнай праграмай вы зможаце ніжэй:

12:30-14:00 - заняткі Мова Нанова з Сяржуком Маркавым!

14:10-15:30 - прэзентацыя кнігі “Віцебская мастацкая школа для дзетак”, адкрытая дыскусія;

15:40-16:40 - інтэрактыўная экскурсія краязнаўцы Міколы Півавара “Ушаччына Рыгора Барадуліна”;

17:00-18:20 - лекцыя памяці Рыгора Барадуліна - “Голас і логас Рыгора Барадуліна: лекцыя з чатырма лірычнымі адступленнямі”. Чытае паэт і літаратуразнаўца Міхась Скобла;

18:30-20:00 - “Дэзарыентацыя на мясцовасьці: балючыя кропкі сучаснай беларускай літаратуры” –  лекцыя-выступ Альгерда Бахарэвіча, паэзія ад Юліі Цімафеевай

20:00-22:00 - канцэрт з удзелам гуртоў Teleport / Kitchen Stuff Only (унутраны дворык Талстога,7)

22:10-23:30 - Кінапаказ кароткаметражнага кіно: Радзіма. Мова. Каханне. 

 

Дадатковыя забаўкі:

15:40 – 17:00 -  дзіцячы мастацкі майстар-клас “Над горадам” : ствараем партрэт горада, а потым і сябе і гуляем у палёты!” ад майстацкіх майстэрняў Галерэі “Ў”

17:00 - майстар-клас па традыцыйных танцах (пляцоўка перад арт-прасторай Талстога, 7)

 

Увесь дзень: добрая музыка ад віцебскіх ды-джэяў / маркет / буккросінг / фрымаркет / фотазона

 

Дадатковая інфармацыя : + 375259133876

 

Булаўскі Уладзімір

 

Смотрите афишу Витебска >>>

Программа Дня города Витебска 2017 >>>