NO LOGO FEST'13

У Віцебску 7,8 і 9-га чэрвеня пройдзе - NO LOGO FEST'13 -  рэгіянальны музычны фестываль, які праводзіца для падтрымкі і развіцця віцебскай альтэрнатыўнай сцэны! 
 

Пасля трохга довага перапынку ў Віцебску зноў пройдзе  NO LOGO FEST  - фестываль альтэрнатыўнай музыкі, мэтай якога стане вызначэнне лепшых гуртоў Віцебскага рэгіёна за 2011- 2013 гг.Спецыяльнымі гасцямі фестываля будуць ДАЙ ДАРОГУ! , AKUTE, Yellow Brick Road, Clover Club, Sciana, Amaroka.
 

“У гэтым годзе мы вырашылі паспрабаваць новую формулу адбора гуртоў, - распавядае адзін з арганізатарў фестываля Булаўскі Уладзімір.  – Раней мы ў асноўным самі вызначалі гурты, што прымуць удзел у NO LOGO FEST : адсочвалі самыя актыўныя і папулярныя з іх ў рэгіёне і запрашалі выступіць, такім чынам падводзячы вынікі альтэрнатыўнага сезону. Але ў гэтым годзе мы паспрабавалі пераняць вопыт легендарнага фестываля “Рок - Кола”, што калісьці праводзіўся ў Полацку, і абвесцілі сярод музыкаў Віцебскай вобласці адкрыты прыём заявак, каторы прайшоў з 1 красавіка па 1траўня. У выніку разглядалася каля 40 заявак. Арганізатарамі былі адабраны 9 гуртоў для ўдзелу ў конкурснай праграме, яшчэ 5 гуртоў вызначылі аматары альтэрнатыўнай музыкі з дапамогай галасавання. Такім чынам, у кожны з 2-х конкурсных дзён выступіць па 7 гуртоў, а ў фінал прайдуць па 2 калектывы. Кожны гурт падчас выступа мусіць выканаць 3 кампазіцыі, што таксама было перанята з фармату правядзення “Рок-Кола”.
 

 Вырашаць, хто стане пераможцам NO LOGO FEST’13 будзе экспертнае журы: свой удзел у якасці экспертаў ужо падцвердзілі Вячаслаў Радыёнаў  - музычны партал ultra-music.com, Зміцер Безкаравайны  -  партал expert.by, Зміцер Назараў – арганізатар фестываля MEN’S FEST у Берасці, Гарык Аганджанян – заснавальнік Beatles-club у Віцебску, Павал Свярдлоў  - музычны эксперт .  Акрамя стандартнага размекавання па месцах і дыпломаў, арганізатары плануюць для кожнага з удзельнікаў фінала падрыхтаваць адмысловы прыз, а для пераможцаў узнагародай будзе грашовая сума, якая дазволіць запісаць якасны EP.
 

Адной з адметных рысаў NO LOGO FEST’13 стане ўдзел спецыяльных гасцей фестываля. “Крытэрам запрашэння хэд-лайнераў на NO LOGO FEST’13 для нас былі вынікі шматлікіх у гэтым годзе музычных прэмій” – адзначае адзін з арганізатарў фестываля Уладзімір Булаўскі. “Мы намагаліся сабраць у Віцебску лепшыя гурты Беларусі, і лічу, што гэта нам удалося. Канешне, мы разлічваем, што дзякуючы гэтаму фестываль збярэ аматараў альтэрнатыўнай музыкі ня толькі з Віцебску, але  і з іншых гарадоў”. Месцам правядзення фестываля стане новы клуб “Планета”, які адкрыўся ў траўні 2013 г.

 
NO LOGO FEST   - рэгіянальны музычны фестываль, запачаткаваны ў Віцебску ў 2007 годзе Віталём Броўкай і Алексеем Тоцкім. Праводзіўся ў 2007-2010 гг. Сярод удзельнікаў і пераможцаў фестываля былі вядомыя віцебскія гурты JENOWA , SHIT HAPPENS, Клема , Kaktooz  і інш. У 2013 годзе адбылася рэарганізацыя фестываля, які цяпер мае фармат конкурса з вызначэннем пераможцаў з дапамогай экспертнага журы. Галоўная мэта фестываля – падтрымка альтэрнатыўнай сцэны Віцебскага рэгіёна. 

 

Праграма NO LOGO FEST’13 1 дзень (7.06) клуб "Планета".17.00 LOVEPUNK (Віцебск) Shuffle Steps (Віцебск) SYOMI (Віцебск) Уявi Сабе (Віцебск) Freelite (Полацк) De Puta Madre Banda (Віцебск) АРИна РАДИО (Орша) +спецыяльныя госці:  Clover Club (Мінск) YELLOW BRICK ROAD (Мінск)  2 дзень (8.06) клуб "Планета".17.00 ИО (Віцебск) VelYur (Віцебск) Сны ОпоСсума (Віцебск) s.Ы.R.o.e. (Наваполацак) Triadéma (Віцебск) Steavy Gred ( Наваполацк) Пани Хида (Орша) - па-за конкурсам +спецыяльныя госці: Sciana (Берасце)  AKUTE (Магілёў) 9.06 - гала-канцэрт  клуб "Планета".17.00 4 фіналіста фестываля + спецыяльныя госці:  AMAROKA (Мінск) ДАЙ ДАРОГУ! (Берасце)

 

Кошты: 
Конкурсныя дні: 50 т. - папярэдне, 70 т. на ўваходзе
Гала-канцэрт: 60 т. папярэдне, 80 т. на ўваходзе
Запрашальнік на ўсе 3 дні - 150 т. (толькі ў арганізатараў)
 Квіткі: касы Абласной Філармоніі ; ГЦ “Беларусь ”пав. 265 “Счастливые вещи”
Кантактная інфармацыя: МТС - 8940517 ; 7121111