Ці умеем мы адпачываць? Творчае інтэрактыўнае даследаванне ў Віцебску

Напярэдадні сезона сонца, цеплыні і свабоды фестывальны Віцебск задаецца пытаннем: ці адпачываюць яго гараджане якасна і змястоўна? Дзве сустрэчы, “тэорыум” і практыкум,  пакажуць, чым у сваёй індустрыі адпачынку горад можа ганарыцца і якія крокі варта рабіць далей. 

 
Кампанія “Будзьма беларусамі!” запрашае ўсіх цікаўных, закаханых у свой горад віцяблянаў самых розных узростаў і інтарэсаў выпрабаваць сваю крэатыўнасць і далучыцца да творчага інтэрактыўнага даследавання. Тэма даследавання надзвычай прыемная, з пяшчотным подыхам летніх ветрыкаў, водарам сяброўскай кавы і фарбамі феерверкаў: адпачынак гараджан, яго змест, якасць і разнастайнасць. Даследаванне будзе складацца з дзвюх дзеяў: 

 
20 мая – дзея 1, тэарэтычная, у якой знойдуцца адказы на пытанне:

 
“ІНДУСТРЫЯ ЗАБАВАЎ У ВІЦЕБСКУ: ГОНАР ЦІ СОРАМ ДЛЯ ГОРАДА?”

 
Антыкавярня “7 комнат” (вул. Леніна, 72, 3 паверх), 19:00. 

Разам з творчымі прадпрымальнікамі, культурнымі менеджарамі і прадстаўнікамі сферы турызму акрэслім сітуацыю ў віцебскай індустрыі забаваў і знойдзем адказы на пытанні:

- Як культурна адпачыць у Віцебску? 
- Што ўплывае на выбар гараджанамі месцаў для адпачынку? 
- Ці прыстасаваная для грамадскага адпачынку гарадская прастора Віцебска? 
- Культурна-асветніцкая дзейнасць vs масавая культура: штосьці не так са “Славянскім 
базарам”?
- Як і з чыёй дапамогай фармаваць высокія стандарты якасці ва ўстановах адпачынку? 

22 мая – дзея 2, практычная, “Кірмаш праектаў”: Давайце адпачнем! 

Антыкавярня “7 комнат” (вул. Леніна, 72, 3 паверх), 19:00. 

Публічная прэзентацыя культурніцкіх ідэй, ужо вядомая творчым і грамадска актыўным жыхарам Віцебска, гэтым разам стане імправізаваным працягам дыскусіі. 
Кожны ахвочы зможа прапанаваць:

- асобны праект або стратэгію паляпшэння наяўнага ці стварэння новага ў сферы гарадскога адпачынку: канкрэтных пляцовак, фарматаў дзейнасці і інш.
- новыя спосабы ўсталявання “зваротнай сувязі” грамадства з бізнесоўцамі, дзяржаўнымі культурніцкімі ўстановамі і адміністрацыяй горада ў анлайн- і афлайн-прасторах: інфармацыйныя рэсурсы, інтэрактыўныя мапы і гэтак далей. 

Для плённай працы фармуюцца фокус-групы (па 4-6 чалавек) з:

• бацькоў дзяцей да 5-ці год;
• школьнікаў;
• студэнцкай моладзі;
• людзей сярэдняга ўзросту;
• пенсіянераў.

 

Калі вы маеце ўласнае меркаванне і хочаце зрабіць свой горад яскравым, утульным і прыемным, далучайцеся! Зарэгістравацца ў якасці ўдзельніка фокус-групы можна па тэлефоне (029) 894-05-17 або даслаўшы інфармацыю пра сябе (імя, узрост, род дзейнасці) на электронную скрыню: 
kirmash.vitsebsk@gmail.com.

Зробім разам свой горад утульным, яскравым і натхняючым да развіцця!