Адсвяткуй Дзень усіх закаханых разам з “AKUTE” і Палінай Рэспублікай !

14 лютага 2013 года Віцебск рыхтуе падарунак на Дзень усіх закаханых!

 
У КЗ “Віцебск” (круглая зала)  вас будуць віншаваць і ствараць святочны настрой гурт “AKUTE” (Магілёў) і Паліна Рэспубліка (Мінск).  На адной сцэне вас чакаюць самыя актуальныя і папулярныя беларускія гурты новай хвалі – гэта лепшы падарунак сваёй другой палове на свята!

 

Гурт AKUTE - слушнае адкрыццё на беларускай рок-сцэне. У склад гурта ўваходзяць вакаліст і гітарыст Станіслаў Мытнік, бас-гітарыст Раман Жыгараў i бубнач Павел "Фiл" Фiлатаў. Стыль гурта самі музыкі вызначаюць як "дыска-дэкаданс". Мова тэкстаў – беларуская. Гурт пачаў сваю гісторыю ў 2008 годзе, паспеўшы за гэты час выпусціць 2 звышпапулярных альбома “Дзевачкі і Космас” і “Не існуе”. У 2011 AKUTE былі прызнаны адкрыццём году па версіі  партала TUZIN.FM , а ў 2012-13 гг. - лепшым гуртом года па версіі Ultra-music.com , euroradio.fm. Музыкі прымалі ўдзел на буйных фестывалях Беларусі, Украіны, Польшчы, неаднаразовы выпраўляліся ў туры па Беларусі, а таксама паспелі ў 2012 г. стаць рэкламным тварам Nescafe і выступіць на адной сцэне з сусветнавядомым гуртом Placebo!

 
У дадзены момант ідзе падрыхтоўка да выдання трэцяга альбома, на аснове якога і будзе прэзентавана новая праграма ў Віцебску.

Паліна Рэспубліка – маладая спявачка з Мінску, якая стала пераможцам бардаўскага фэста ў Беластоку ў 2011 г. ад чаго і пачалася хваля папулярнасці. За 2 гады Паліна разам са сваім гуртом выступала на шматлікіх пляцоўках у Беларусі, Украіне, Польша, Расіі, дзе атрымала сапраўднае прызнанне ад публікі. Прызнавалася адкрыццём году па версіі парталаў TUZIN.FM і Ultra-music.com. Зараз у спявачкі ідзе падрыхтоўка да выдання першага альбома, для каторага адмыслова быў пашыраны склад. У Віцебску Паліна Рэспубліка прадставіць свае новыя і лепшыя кампазіцыі, што ўжо палюбіліся віцебскай публіке.

Пачатак: 19:00
Квіткі: 80 000 папярэдне, 100 000 у дзень канцэрта
Месцы продажу:
касы КЗ Віцебск на пл. Свабоды, Духаўскім кругліку, у падземным пераходзе пл. Перамогі! А таксама праз сайт kvitki.by
Інфармацыя: (029) 894 0517

Смотреть Афишу Витебска >>>