Гарадскія культурніцкія практыкі

Рэалізаваць свае ідэі па культуры і мастацтве ў Віцебску будзе прасцей. Запрашаем каманды маладых людзей паўдзельнічаць у “Гарадскіх культурніцкіх практыках”.

Мы падазраем, што ў вас ёсць цікавая і важная ідэя, каторую надзвычай хочацца рэалізаваць у родным Віцебку — горадзе, да каторага вы прыкаваныя сэрцам, сябрамі, працай, «Чердачком» і панарамай з Кіраўскага маста. Калі вы адзін, то для дзейнасці лепей сабраць каманду.

Са свайго боку мы дапаможам экспрэс-курсам па гарадскіх культурніцкіх мерапрыемствах ад добрых спецыялістаў з Віцебска і Беларусі. Сустрэчы адбудуцца ў кастрычніку, а потым да канца года мы суправаджаем вашую працу ўсімі неабходнымі рэсурсамі.

Каб падаць заяўку на ўдзел у “Гарадскіх культурніцкіх практыках”, дашліце наступныя дадзеныя пра кожнага ўдзельніка каманды:

1. Імя, прозвішча.
2. Дата нараджэння.
3. Месца вучобы/працы.
4. Нумар мабільнага тэлефона.
5. Электронная пошта, якую вы рэгулярна правяраеце.
6. Спасылкі на профілі “Вконтакте” і Facebook.
7. Папярэдняе апісанне ідэі для рэалізацыі ў межах “Гарадскіх культурніцкіх практык” (пункт аднолькавы для ўсіх удзельнікаў каманды).

Колькасць месцаў абмежаваная. Узрост удзельнікаў — ад 16 да 29 гадоў. Пажаданы памер каманды: 4–5 чалавек. Дапускаецца індывідуальны ўдзел альбо меншыя каманды, але гэта зніжае вартасць заяўкі. Практыканты мусяць быць гатовыя да працоўных кампрамісаў у рэлізацыі сваіх ідэй. Удзел у практыках прадугледжвае наведванне усіх заняткаў экспрэс-курса. Заняткі праходзяць на працягу кастрычніка па вечарах.

Заяўкі дасылаць па пошце: vitebsk3000@gmail.com

Крайні тэрмін падачы заявак: 21 верасня, 23:59.

Паводле: www.publirepublic.info