г. Витебск, ул. Ленина, 36
Запрашаем 27 мая а 15-й гадзіне ў Ратушу (вул. Леніна, 36) на прэзентацыю выставы-конкурса «Руплівец беларускай даўніны».
Выстава арганізавана па выніках творчага конкурсу ў межах праекта, прысвечанага 170-годдзю з дня нараджэння А.П. Сапунова.
Конкурс творчых работ праводзіўся з мэтай пашырэння ведаў пра кніжную і фотадакументальную спадчыну А.П. Сапунова, а таксама пра яго асабісты ўклад у вывучэнне і захаванне гістарычнай спадчыны Віцебшчыны.
Да ўдзелу ў конкурсе былі запрошаныя як самастойныя аўтары, так і навучэнцы ўстаноў сярэдняй адукацыі і дадатковай адукацыі дзяцей і моладзі, дзіцячых мастацкіх школ і дзіцячых школ мастацтваў г. Віцебска.
Правядзенне конкурсу мела на мэце фарміраванне ў юнага пакалення зацікаўленасці ў гістарычным краязнаўстве і вывучэнні гісторыі малой радзімы, а таксама выяўленне і падтрымку таленавітых навучэнцаў, прадастаўляючы ім дадатковыя магчымасці для творчай самарэалізацыі.
У намінацыі «Па старонках кніжнай спадчыны А.П. Сапунова» былі заяўленыя жывапісныя і графічныя работы на тэму гісторыі г. Віцебска, выкананыя ў жанрах пейзажу, сюжэтнай кампазіцыі, тэматычнай кампазіцыі і інш. Творчая праца павінна была ўтрымліваць інфармацыю аб матэрыяльным аб’екце гісторыка-культурнай спадчыны, помніку гісторыі, археалогіі, архітэктуры, мастацтва, гістарычнай асобе г. Віцебска і Віцебшчыны.
Вынікі творчага конкурсу «Руплівец беларускай даўніны» падводзілі прадстаўнікі журы, у склад якога ўвайшлі прадстаўнікі УК «Віцебскі абласны краязнаўчы музей», прафесійныя гісторыкі, журналісты, выкладчыкі гісторыі, выяўленчага і дэкаратыўна-прыкладнога мастацтва.