Персанальная выстава майстра народных мастацкіх рамёстваў Вольгі Аляксеевай.
Час правядзення: з 18 студзеня па 8 лютага 2022 года
Адкрыццё: 15:00 гадзін.
З 18 студзеня па 8 лютага 2022 года ў межах арт-праекта ”Партрэт майстра“ ў Віцебскім абласным метадычным цэнтры народнай творчасці будзе праходзіць персанальная выстава майстра па кераміцы і маляванцы Вольгі Аляксеевай, раённага Дома рамёстваў ДУК ”Раённы цэнтр народнай творчасці і культурна-дасугавай дзейнасці Дубровенскага раёна“ ”Птушка творчасці – натхненне, сувязь часоў і пакаленняў“.
На выставе будуць прадстаўлены традыцыйныя маляваныя дываны, макаткі, жывапісныя палотны; керамічныя цацкі і свістулькі. Падчас адкрыцця выставы адбудзецца майстар-клас па вырабу свістулькі.
Вольга Сяргееўна з’яўляецца ўдзельніцай і лаўрэатам шматлікіх конкурсаў, выстаў, кірмашоў.
У сваёй творчасці арыентуецца на археалагічныя знаходкі Дубровеншчыны і творчасць Ганны Марачовай.