Любіце гучныя вечарынкі, карпаратывы, сямейныя застоллі, але не ўмееце прамаўляць тосты? Баяцеся ўсеагульнай увагі, з дрыжыкамі чакаючы сваёй чаргі і маланкава ўзгадваючы тое, што ўжо пажадалі, каб не паўтарыцца. Тады вам да нас – на курсы "Мова нанова Віцебск"!
У сераду, 30 кастрычніка, зорка Заронаўскага краю (і не толькі!) – фалькларыст, этнограф, краязнаўца, нястомны генератар разнастайных культурна-грамадскіх ідэй ЛЮДМІЛА НІКІЦІНА правядзе майстар-клас па прамаўленні народных тостаў. А яшчэ Людміла Канстанцінаўна пазабавіць усіх самабытнымі загадкамі свайго краю.
Наведаўшы майстар-клас гэтай абаяльнай жанчыны, упэўнены, вы скарыстаецеся яе нечуванымі тостамі і станеце галоўным героем любога свята!
УВАГА! У бліжэйшую сераду запрашаем усіх, каму 18+.