«НА ХВАЛІ ПАЧУЦЦЯЎ»

Канцэрт камернай музыкі

Да 200-годдзя нараджэння Станіслава Манюшкі

«НА ХВАЛІ ПАЧУЦЦЯЎ»    6+

Заслужаны калектыў Рэспублікі Беларусь

ДЗЯРЖАЎНЫ КАМЕРНЫ ХОР РЭСПУБЛІКІ БЕЛАРУСЬ

Мастацкі кіраўнік – заслужаная артыстка Рэспублікі Беларусь Наталля МІХАЙЛАВА

У канцэрце прымаюць удзел Варвара ЦАРУК і Юры ГАБРУСЬ (арган)

У праграме: творы Станіслава Манюшкі для хору, салістаў і аргана

Станіслаў Манюшка ў першую чаргу знакаміты як стваральнік нацыянальнай оперы, аднак ён напісаў і нямала выдатных маштабных харавых і камерных вакальных і інструментальных твораў. Вядома, што Манюшка абапiраўся ня толькi на традыцыі нямецкіх і рускіх кампазітараў, але i звяртаўся да беларускага, літоўскага і польскага фальклору. З'яўленне зборнікаў песень мела велізарнае значэнне – разам са стварэннем больш чым 400 мініяцюр, ён заклаў асновы нацыянальнага вакальнага рэпертуару.

Гэтыя малавядомыя старонкі творчасці кампазітара прадставіць Дзяржаўны камерны хор у суправаджэнні аргана: прагучаць маштабныя духоўныя творы (Меса для жаночага хору, «Жалобныя спевы» (Меса рэ-мінор), «Ecce lignum crucis» для змешанага хору), харавыя мініяцюры без акампанемента, арыі і дуэты. У канцэрце будуць выкананы рэдкiя сачыненні Станіслава Манюшкі для аргана-сола.