Каманда “Віцебск для мяне” абуджаецца і моцна ўрываецца ў летні сезон. Прапануем пераглядзець свае планы на першамай і правесці яго разам з намі!
1 мая, у сераду, запрашаем на Зялёны кірмаш, які мы ладзім у арт-пабе “Торвальд” (вул. Талстога, 1). Стартуем а 12-й і цэлых пяць карысных гадзін праводзім разам.
Абмен непатрэбнымі табе рэчамі, барахолка і free-market. Для самых “эка” – будзем мяняцца нават раслінамі (самы сезон жа!).
Абяцаем добрае надвор’е і музыку, прыемных людзей побач і магчымасць законна накаціць ігрыстага ў абед працоўнага дня.
Будзем радыя табе і тваім сябрам! Да сустрэчы на “Торвальдзе” 1 мая!