МАСЛЕНИЦА

Гэй ты, Масленіца! Хопіць насы ад марозу хаваці – будзьма вясну сустракаці! Парк “МАЗУРЫНА” запрашае дзетак і іх бацькоў на Масленіцу, каб спрычыніцца да ўсіх народных традыцый старажытнага свята! 

І, скажам вам па сакрэце, столькі цікавостак і сюрпрызаў нават мы самі не чакалі! Нашыя продкі палілі пудзіла Масленіцы (мы таксама будзем!) – гэта было сімвалам спальвання і забыцця ўсяго негатыву. Таксама неабходна было пасядзець за багатым сталом і наласавацца на ўсе сем тыдняў будучага Вялікага паста. У гэтым нам дапамогуць літоўскія майстры ярмаркі “Казюкас”.

Таксама вас чакае:

• майстар-клас «И румян, и красив получается блин!»; 
• кірмаш літоўскіх страў; 
• паказальныя выступленні клуба прафесійнай дрэсіроўкі сабак “WOLF”;
• паказ калекцый дзіцячага адзення “Зіма-вясна” фірмы “Артус”;
• канцэртная-забаўляльная праграма ад творчых калектываў горада і Цэнтра культуры “Віцебск”; 
• інтэрактыўныя гульні і забавы для дзяцей і бацькоў;
• катанне на конях ад моладзевага грамадскага аб’яднання “Коннаспартыўны клуб “Каліпса” і яшчэ шэраг цікавостак ад Цэнтра культуры “Віцебск” і міжнароднай ярмаркі народных рамёстваў "Казюкас".

І гэта толькі маленькая частка ўсіх прыгод!
Гульні ды загадкі, блінкі ды аладкі!
Далучайцеся, вясна не прыйдзе, калі яе не пагукаць як след!