Проекты в лицах

З 2015 года “Праекты ў асобах” пабывала ў 36 буйных і малых гарадах Беларусі, прадставіла 58 праектаў, яе героямі сталі грамадскія дзеячы і прадстаўнікі мясцовых уладаў, супрацоўнікі міністэрстваў і ведамстваў, настаўнікі, студэнты, школьнікі, вучоныя, інжынеры, фермеры − усяго 58 персанальных гісторый.

Канцэпт выставы ставіць на мэце праз асобу героя падаць праект, які змяніў жыццё людзей да лепшага. Інфаграфіка таксама грае важную ролю, наглядна прадстаўляючы механізм і важныя характарыстыкі кожнага з праектаў.

Тэматыка новага сезона − зялёная эканоміка, развіццё сельскіх тэрыторый, адукацыя, турызм, культура, бізнес, інклюзіўныя практыкі. Адным з прадстаўленных праектаў з’яўляецца “Прафілактыка неінфекцыйных захворанняў, папулярызацыя здаровага ладу жыцця і падтрымка мадэрнізацыі сістэмы аховы здароўя ў Рэспубліцы Беларусь (БЕЛМЕД)”, галоўная мэта якога – спрыянне прафілактыцы неінфекцыйных захворванняў і ўмацаванню сістэмы аховы здароўя, а таксама прасоўванне здаровага ладу жыцця. Асаблівая ўвага нададзена пытанням аховы мацярынства і дзяцінства, прафілактыцы захворванняў дзяцей і дзіцячага траўматызму.

У Віцебску “Праекты ў асобах” прадстаўлены ўжо ў другі раз – упершыню фотавыставу жыхары і госці горада бачылі ў 2015 годзе. Азнаеміцца с прадстаўленымі героямі і іх праектамі можна будзе да 9 снежня ўключна.