г. Витебск, ул. Ленина, 36
У Віцебскім абласным краязнаўчым музее (Ратуша) 7 красавіка а 16 гадзіне адбудзецца адкрыццё абласной выставы “Народнае аддзенне Віцебшчыны”.
Гэта сумесны праект Віцебскага абласнога краязнаўчага музея і Віцебскага абласнога метадычнага цэнтра народнай творчасці - выстава–конкурс калекцый народнага аддзення і фотаматэрыялаў са збораў раённых краязнаўчых музеяў і дамоў рамёстваў.
Калекцыі на выставу прадставілі Бешанковічскі, Браслаўскі, Лепельскі, Пастаўскі, Чашнікскі раёны. Таксама ёсць калекцыі аддзення з фондаў музея Віцебскага дзяржаўнага тэхналагічнага ўніверсітэта і фондаў ВАКМ. Экспануецца каля 400 адзінак аддзення, з іх 200 прадметаў з фондаў нашага музея.
Акрамя прадметаў сялянскай вопраткі к.19–п. 20 ст.ст. – кашулі, спадніцы, наміткі, нагавіцы, бурнуса, фартухаў, лапцей - на выставе экспануюцца касцюмы мяшчан і старавераў, унікальная калекцыя тканых ў рознай тэхніцы паясоў.
Экспазіцыя мае не толькі культурна-этнаграфічны, але і навуковы аспект. Наведвальнікі музея могуць пазнаёміцца з прадметамі, элементамі і арнаментам аддзення на Віцебшчыне, з навукова абгрунтаванымі ілюстрацыямі.