"Латыши в белорусской истории". Презентация книги Максима Королева

Прэзентацыя новай кнігі віцебскіх краязнаўцаў, гісторыкаў, мастацтвазнаўцаў “Латыши в белорусской истории”. Зборнік быў надрукаваны пад рэдакцыяй Максіма Каралёва — гісторыка, старшага выкладчыка кафедры сацыяльна-гуманитарных навук ВДМУ.

У зборніку прадастаўленыя 33 асобы латышскага паходжання, якімі, канечне, не абмяжоўваецца след паўночных суседзяў на нашай зямлі. У выданні сабраныя асобы з вельмі рознымі біяграфіямі. Ёсць сярод іх дзяржаўныя дзеячы і дыпламатычная супрацоўнікі, святары і чэкісты, дзеячы культуры і навукоўцы, удзельнікі супраціўлення і калабаранты. Адны з іх стаялі ля вытокаў найноўшай беларускай дзяржаўнасці, садзейнічалі станаўленню многіх дзяржаўных структур. Іншыя працавалі на духоўнай ніве, апекаваліся лютэранскімі, праваслаўнымі, каталіцкімі суполкамі, развівалі культуру, адукацыю і навуку. Адны ратавалі людзей, дапамагалі патрапіўшым у бяду, а другія катавалі і выносілі смяротныя прысуды. Некаторыя амаль усё сваё жыццё прысвяцілі нашай краіне, а іншыя толькі пэўны час затрымаліся тут. Як падаецца ў прадмове да зборніка: “Кожны народ мае сваіх “святых” і сваіх “Каінаў”. Ні беларусы, ні латышы тут не выключэнне”.

У 1926 годзе латышы былі пятым па колькасці этнасам на тэрыторыі БССР. Сёння — на семнаццатым. Тым не менш, гістарычны след латышоў у беларускай гісторыі вельмі значны. Традыцыйна, найбольш з іх пражывала на Віцебшчыне і ў самім Віцебску. Таму вельмі лагічна, што стварэнне зборніка “Латыши в белорусской истории” адбывалася менавіта тут.