Сябры! У бліжэйшую сераду госцем курсаў«Мова нанова – Віцебск» стане вядомы краязнаўца, гісторык, ініцыятар і арганізатар «Адамаўскага фэсту» Міхаіл Леанідавіч Дук. Ён распавядзе пра шматлікія цікавосткі Лятчанскага краю: яго славутасці, помнікі прыроды, выбітных людзей. Мы даведаемся шмат унікальных фактаў пра аднаго з самых высокіх людзей у свеце Фёдара Махнова, пра знакамітага батаніка Уладзіміра Адамава, яго самабытную сядзібу і багатую калекцыю рэдкіх раслін, што ў будучым стала асноваю батанічнага саду ў Віцебску... Карацей, вас чакае безліч разнастайных цікавінак! Абавязкова прыходзьце ды прыводзьце ўсіх сваіх сяброў і знаёмых!
P.S. Фота Анастасіі Вераск і Мікалая Півавара.