Прэм'ера ''Пахавайце мяне за плінтусам'' 16+

Прэм'ера ''Пахавайце мяне за плінтусам'' 16+
Национальный академический драматический театр имени Якуба Коласа
27.07.2022
Время: 18:00;
1
цена: 11,50-12,00 р.

Зноў ў рэпертуары Нацыянальнага акадэмічнага драматычнага тэатра імя Якуба Коласа з’явіцца трагікамедыя «ПАХАВАЙЦЕ МЯНЕ ЗА ПЛІНТУСАМ» паводле аднайменнай аповесці Паўла Санаева. З абноўленым акцёрскім складам. Першы паказ спектакля адбудзецца 27 ліпеня 2022 года, у 19:00.

Квіткі - у касе тэатра (тэлефон 62-63-81) і на сайце kvitki.by.

Аповесць Паўла Санаева «Пахавайце мяне за плінтусам» ад самага першага яе выдання ўвайшла  ў спіс найвыбітнейшых расійскіх бестселераў. У сваёй кнізе аўтар стварыў неверагодна жывыя, шчымлівыя вобразы, якія нікога не пакідаюць абыякавымі.

Гэта аповесць, у якой неверагодна смешна і вытанчана злосна ўзнікае пародыя на саму ідэю шчаслівага маленства, тэма сталення нібыта пераварочваецца з ног на галаву і набывае абрысы сюррэалістычнага гумару. Кніга  ўзарвала расійскі кніжны рынак і набыла не проста культавы, а легендарны статус. Яе тыраж склаў больш за паўмільёны экземпляраў, і сёння Павел Санаеў уваходзіць у першую дзясятку самых папулярных сучасных пісьменнікаў Расіі. У 2005 годзе Павел Санаеў атрымаў прэмію «Тэфі». У 2009-м - на экраны выйшаў мастацкі фільм «Пахавайце мяне за плінтусам» (рэжысёр Сяргей Снежкін), дзе ролю жорсткай бабулі сыграла Святлана Кручкова.

Усё прыходзіць у свой час, тады, калі ў гэтым наспявае патрэба. Час нараджае твор, час яго інтэрпрэтуе пад сябе. Наш час – гэта тое, што хвалюе нас тут і цяпер, тое, сярод чаго мы жывем зараз. «Калі ты не можаш нечага змяніць, ператвары гэта ў мастацтва». Каб яно прагучала, каб пачулася, каб настроіла нас на адну хвалю – як мінімум, на хвалю імкнення да светлага ды шчаслівага, да па-людску годнага ў штодзённым, да адчування каштоўнасцяў у «тут і цяпер».

Сцэна для спектакля паводле сучаснага матэрыялу – гэта люстра ці павелічальнае шкло нашай паўсядзённасці, што дапамагае паставіцца да, здаецца, звычайных праяваў жыцця, больш уважліва і аналітычна.

Аповесць Паўла Санаева – аўтабіяграфічная. Аднак у ёй пазнаюцца агульныя праблемы, пытанні, цяжкасці і радасці. Дзяцінства мусіць быць самай светлай часінай. Мусіць, ды толькі ці заўжды яно так? Яшчэ адкрыты свету, ты ўсмоктваеш усё, што прапануе асяроддзе, блізкія. Але пад добразычлівасцю дарослых так часта хаваюцца іншыя матывы. Збольшага, мы самі нават не ўсведамляем, не спрабуем аналізаваць, што кіруе намі ў тым ці іншым дзеянні.

«Пахавайце мяне за плінтусам» апавядае пра васьмігадовага хлопчыка Сашу Савельева, які жыве разам з дэспатычнай бабуляй і слабахарактарным дзядулем. Дзіця, якога ў бесперапынным рэжыме вучаць безумоўна падпарадкоўвацца, ненавідзець уласную маці, якога вінавацяць ва ўсіх няўдачах, усё ж такі дрэнна паддаецца гэтай правакацыйнай апрацоўцы свядомасці і спрабуе вырвацца з-пад прэса хатняй тыраніі ў свой уласны свет…

Прэм’ера спектакля адбылася ў лістападзе 2013 года.

Спектакль меў вялікі поспех у віцебскіх гледачоў, на гастролях і фестывалях: XXI Міжнародны тэатральны фестываль «Славянскія тэатральныя сустрэчы» (Бранск, Расія), IV Міжнародны тэатральны фестываль «Крынічнае слова» (Архангельск, Расія), XII Міжнародны тэатральны форум «Залаты Віцязь» (Масква, Расія), III Нацыянальная тэатральная прэмія (Мінск, Беларусь), VI Міжнародны фестываль камерных і монаспектакляў «LUDI» (Арол, Расія, 2016).

Інсцэніроўка і пастаноўка заслужанага дзеяча мастацтваў Рэспублікі Беларусь Валерыя АНІСЕНКІ. Сцэнаграфія, відэарад і падбор касцюмаў Андрэя ЖЫГУРА. Мультымедыйная партытура спектакля Міхаіла ЛАВІЦКАГА. Музычнае афармленне Аляксандра КРЫШТАФОВІЧА. Мастак па святле Яўген КУЛЯШОЎ. Пераклад Пятра ЛАМАНА.

У спектаклі будуць задзейнічаны: Антон БАРАНОЎСКІ / Яўген БЕРАСНЕЎ (Саша), Валянціна БАГДАНАВА / заслужаная артыстка Рэспублікі Беларусь Тамара СКВАРЦОВА (Бабуля), заслужаны артыст Рэспублікі Беларусь Вячаслаў ГРУШОЎ / Пятро ЛАМАН (Дзед), Юрась ЦВІРКА / заслужаны дзеяч мастацтваў Рыгор ШАЦЬКО (Лёша), Анжаліка БАРКОЎСКАЯ / Ніна ОБУХАВА (Мама), Генадзь ГАЙДУК / заслужаны артыст Рэспублікі Беларусь Георгій ЛОЙКА (Толя), Святлана ЖУКОЎСКАЯ / Вольга КУЛЯШОВА (Галіна Сяргееўна), Наталля САЛАМАХА-КОНАНАВА / Святлана СУХАДОЛАВА (Тоня).

Працягласць спектакля - 2 гадзіны 20 хвілін з антрактам.

Узроставае абмежаванне - 16+.

Чакаем вас у Коласаўскім тэатры!

ETPVIT.BY - ЭЛЕКТРОННАЯ ТОРГОВАЯ ПЛОЩАДКА

Каталог товаров и услуг
Дом и квартира
Дом и квартира
Строительство и ремонт
Строительство и ремонт
Работа и бизнес
Работа и бизнес
Семья и дети
Семья и дети
Шоппинг
Шоппинг
Торговые центры, рынки1
Торговые центры, рынки
Отдых и развлечение
Отдых и развлечение
Услуги в Витебске
Услуги в Витебске