Сябры, у сераду збіраемся ля ганка арт-паба "Торвальд" у 17.30 крочым у Віцебскі абласны метадычны цэнтр народнай творчасці.
Вядучы метадыст выставачнай залы ІРЫНА КНЯЗЕВА правядзе для нас экскурсію па выставе "Вянок нявесты", прысвечанай вяселлю, вясельным строям ды аксесуарам нашых бабуль і прабабуль.
Тут вы пабачыце элементы касцюма жыхароў Падзвіння, Падняпроўя, Паазер’я розных часоў і розных канфесій, куфар з пасагам, старыя фотаздымкі з сямейных альбомаў, лялек-“неразлучнікаў”, якіх дарылі маладым як абярэг на доўгае сямейнае жыццё, і многае-многае іншае.
Далучайцеся!
P.S. Фота Дзмітрыя Осіпава.