ТАК.Гэта Беларуская архітэктура!

З 3 па 5 верасня 2015 года ў Мінску прайшоў XI нацыянальны фестываль архітэктуры «Мінск 2015». Мерапрыемства было прымеркавана да Міжнароднага Дня архітэктуры і прысвечана 80-гадоваму юбілею ГА “Беларускі саюз архітэктараў” – старэйшага творчага аб’яднання рэспублікі.

XI нацыянальны фестываль архітэктуры праходзіў у незвычайным фармаце: праекты беларускіх дойлідаў былі презентаваны не ў памяшканні, а на вуліцах і плошчах горада. Тысячы гараджан мелі магчымасць азнаёміцца з тым, над чым працуюць архітэктары і будаўнікі. На фестывале былі прадстаўлены праекты не толькі з Мінска, але і з абласных цэнтраў. Кампетэнтнае міжнароднае журы выбрала самыя лепшыя з іх. 
Сёння ў нас ёсць магчымасць пазнаёміцца з творчасцю пераможцаў фестывалю. На выставе прадстаўлены праекты ўжо рэалізаваныя і праекты, якія будуць будавацца, а таксама работы па рэстаўрацыі культурнай спадчыны.

Падчас адкрыцця выставы у вас будзе магчымасць пазнаёміцца з віцебскімі архітэктарамі, членамі саюза архітэктараў і задаць пытанні, якія тычацца архітэктурнага асяродзя нашага гораду. 

Арганізатар – Старшыня Віцебскага абласнога грамадскага аб’яднання “Беларускага саюза архітэктараў” Яўген Калбовіч