У бліжэйшую сераду на курсах "Мова нанова -- Віцебск" надзвычай загадкавая, самабытная тэма — "ПАГАНСТВА". А распавядзе пра яе даследчык, перакладчык, публіцыст, музыка, рэдактар сайта «Svajksta» АЛЕСЬ МІКУС. Да таго ж Алесь прэзентуе сваю новую кнігу "ПРА ПАГАНСТВА І БАЛТАЎ".
Якія стадыі ў паганскага абраду? Дзе хаваюцца сляды нашай балцкай спадчыны? — пра гэта ды многае іншае распавядзе мінскі госць. Своеасаблівай медытацыяй стане гранне Алеся на яго чароўнай дудзе.
Прыходзьце з блізкімі, сябрамі ды знаёмымі, каб спасцігнуць безліч таямніц!